D.R AHMED EMARA

WELCOM اهلا بيكم فى منتدى الدكتور احمد عمارة استشارى الصحة النفسية ان كنت مسجل لدينا فبرجاء تسجيل الدخول وان كنت زائر وعجبك المنتدى فيشرفنا تواجدك معنا بالتسجيل لدينا فاهلا بالجميع
D.R AHMED EMARA

منتدى عشاق الدكتور احمد عمارة استشارى الصحة النفسية

سحابة الكلمات الدلالية

المواضيع الأخيرة

» كورس جديد سيكولوجية الحب والسعادة الزوجية
السبت مايو 30, 2015 10:42 am من طرف soso44

» فوائد صحية
الإثنين سبتمبر 22, 2014 2:03 pm من طرف د.حصة الشمري

» فوائد صحية
الإثنين سبتمبر 22, 2014 2:03 pm من طرف د.حصة الشمري

» فوائد صحية
الإثنين سبتمبر 22, 2014 2:02 pm من طرف د.حصة الشمري

» التعامل النفسى السليم مع الذنوب والمعاصى
الأحد سبتمبر 07, 2014 9:59 am من طرف Tata

» عايزه حل لمشكلتى !!!!
الخميس أغسطس 28, 2014 10:11 pm من طرف noor

» دعاء المظلووووووم
الإثنين يوليو 14, 2014 11:41 am من طرف siraj

» هااااااااااااااااااااااااام جدا
السبت يوليو 12, 2014 9:24 pm من طرف ahmed saleh

» برنامج سميها باسميها رمضان 2014
السبت يوليو 12, 2014 9:22 pm من طرف Admin

التبادل الاعلاني


انشاء منتدى مجاني




    كيف تتعرف عالسعادة

    شاطر
    avatar
    Amr mohamed
    عضو فعاااال
    عضو فعاااال




    الميزان عدد المساهمات : 112
    نقاط : 2820
    الشهرة فى المنتدى : 47
    تاريخ التسجيل : 07/08/2011
    العمر : 31
    الموقع : www.facebook.com

    كيف تتعرف عالسعادة

    مُساهمة من طرف Amr mohamed في الإثنين سبتمبر 05, 2011 1:46 pm

    كلام كتير بس جميل فعلا




    إشتري علبة شوكولاتة مستوردة غالية و كلها.

    إلعب لعبة مالعبتهاش من و إنت صغير.

    إعرق و إنهج و حس إنك عايش.

    إطفي نور أودتك وإسمع أكثر مزيكا بتحبها و إسرح معاها.

    بص لأهلك و عرفهم قد إيه بتحبهم.

    بص للي أقل منك وإعرف قيمة كل حاجة معاك.

    بص للي فوقيك وإعرف إن رغبتك إنك تبقى زيهم هي اللي مدية طعم لحياتك.

    في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.

    إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك.. روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس .

    إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.

    إعرف إنك كائن مهم و في كل لحظة بتغير إتجاه التاريخ.

    بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”

    سلم على واحد صاحبك و خدوه بالحضن.. و زود مدة الحضن ثانية زيادة.. هتقوله حاجات كثير.

    بدون سبب إبعت رسالة لأي حد بتحبه قوله حاجة حلوة.

    إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.

    إضربها جزمة .. خلى اللي يكره يكره و اللي يشتم يشتم وإعرف إنهم مضيعين وقتهم.

    إتأكد إنك لو عارف إنك هتموت بكرة هتعمل نفس اللي بتعمله دلوقتي.

    كل أكلة حلوة قوي.. بس ماتخليهاش تشبعك.

    إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.

    ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.

    أكسب نفسك و حب حد بيكرهك.

    إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الأهلى فى ماتش بحكم أجنبى. إنزل شجع مع الأهلوية لما يكسبوا.. حتى لو إنت مش أهلاوى.

    إقرا الكلام ده من غير ماتعلق عليه و لو مش عاجبك بطل قراية. شوف فيلم الكيف و ماتتفرجش على آخر ربع ساعة فيه.

    إتفرج على الناظر من أول ما بيظهر محمد سعد.

    لما تقابل واحد مش فاكر إسمه ومش بتسلم عليه عادة خده بالحضن و قوله واحشني جدا يا معلم.

    إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.

    جرب أكلة جديدة في مطعم فخم.. ثمنها يخرب بيتك.. و روح و إنت مبسوط.

    إنزل الشارع ودور على عربية قديمة عطلانة ... وإبدء زق مع الأخرين.

    إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.

    إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.

    إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.

    إفتكر قبل ما تنام كل الكلام الحلو اللي سمعت الناس بتقوله عنك. كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و بارك له.

    كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا. شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.

    سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.

    إستحمى في نص ساعة.. خلى المية تنزل على وشك و إسمع صوتها كويس.

    جيب لنفسك هدية و إستنى لحد عيد ميلادك و إديها لنفسك.

    جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.

    إنزل من بيتك بشبشب من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.

    ماتغضبش مهما حصل. أشكر كل الناس بسبب و من غير سبب. لو حد إتريق عليك إضحك.. حتى لو من جواك بتضحك عليه.

    لو حد شتمك حط ده في تانك البنزين بتاعك علشان يبقى طاقة تحركك لقدام.

    لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.

    لو لقيت نفسك لوحدك شوية ده معناه إنك فريد و نادر من نوعك.

    إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح.

    إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.

    لما حد يحكيلك حاجة مملة علشان يبين مواهبه في الحياة إعمل نفسك مهتم ولما يخلص إعمل نفسك منبهر. وكمان إسأله عن تكملة الحكاية.. بس ماتعملش كده كثير.. مرة كل فين و فين.

    إفتكر أيام لما كنت بتصحى بدري علشان المدرسة.. و لما كنت بتذاكر كيمياء أو فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.

    إتبسط.. و لو مش عايز تتبسط.. عيد قراءة المشاركة مرة أخرى .. يمكن تفرجها وتنبسط ... وإفتكر إن مش كل قط يتقال له يا مشمش !!!!.

    منقووووووول
    avatar
    rna ahmed
    عضو فعاااال
    عضو فعاااال




    الاسد عدد المساهمات : 119
    نقاط : 2808
    الشهرة فى المنتدى : 29
    تاريخ التسجيل : 24/07/2011
    العمر : 27

    رد: كيف تتعرف عالسعادة

    مُساهمة من طرف rna ahmed في الإثنين سبتمبر 05, 2011 1:48 pm

    يارائع وكلامك اجمل من صورة شاروخان الى انت حطيطها



    مش ترحم نفسك بقى

    بس بجد ورغم انك ناقلوا الا انك عرفت تختار

    روعة بجد روعة

    تسلم ايدك ياعمرو


    _________________



    الى كل من يرى الحياة فى تشائم احذر فدكتور احمد عمارة يكرة هذة الكلمة فان كنت تريد ان تغير هذة الكلمة بصدق تفائل من كل قلبك وادعى من كل قلبك الى هذا الدكتور المحترم فتحية طيبة لهذا الرجل
    avatar
    seef elden
    المشرف العام
    المشرف العام





    العذراء عدد المساهمات : 152
    نقاط : 2916
    الشهرة فى المنتدى : 74
    تاريخ التسجيل : 07/08/2011
    العمر : 29

    رد: كيف تتعرف عالسعادة

    مُساهمة من طرف seef elden في الإثنين سبتمبر 05, 2011 8:10 pm

    اول مرة تكتب حاجة صح قوى ياعمرو جميلة جدا تسلم ياعم الناقل


    _________________


    بحبك يابلدى وغالية انتى عندى
    وربنا علمفترى الى ظلمك وهدك
    avatar
    reham mamdoh
    عضو عجبة المنتدى
    عضو عجبة المنتدى



    السمك عدد المساهمات : 33
    نقاط : 2653
    الشهرة فى المنتدى : 1
    تاريخ التسجيل : 30/08/2011
    العمر : 34

    رد: كيف تتعرف عالسعادة

    مُساهمة من طرف reham mamdoh في الثلاثاء سبتمبر 06, 2011 12:52 pm

    ياجماعة انتو معلقين على انوا ناقلها مانتوا كل واحد فيكم ناقل بالهبل
    هتيجى علية يعنى
    كلمات روعة ياعمرو استمر حتى لو هتنقل
    avatar
    آسر محمد
    عضو مبتدا
    عضو مبتدا


    السرطان عدد المساهمات : 29
    نقاط : 2654
    الشهرة فى المنتدى : 6
    تاريخ التسجيل : 04/09/2011
    العمر : 35

    رد: كيف تتعرف عالسعادة

    مُساهمة من طرف آسر محمد في الثلاثاء سبتمبر 06, 2011 10:10 pm

    حلوة دى اجيب لنفسى هدية واستنى عيد ميلادى واديها لنفسى
    واقولى كل سنة وانا طيب
    وطبعا لو حد شافنى هيبلغ عنى العباسية
    مع انوا كلام منطقى
    avatar
    Ali salem
    عضو جااامد
    عضو جااامد



    الميزان عدد المساهمات : 76
    نقاط : 2710
    الشهرة فى المنتدى : 4
    تاريخ التسجيل : 26/08/2011
    العمر : 39
    الموقع : http://motfa2l.forumegypt.net

    رد: كيف تتعرف عالسعادة

    مُساهمة من طرف Ali salem في الثلاثاء سبتمبر 13, 2011 2:04 pm

    هى دى السعادة ولا بلاش
    يامواضيعك ياعمووووووووووور تسلم ياريس
    avatar
    ahmed saleh
    عضو جااامد
    عضو جااامد



    الجوزاء عدد المساهمات : 99
    نقاط : 2766
    الشهرة فى المنتدى : 12
    تاريخ التسجيل : 07/08/2011
    العمر : 29
    الموقع : www.facebook.com

    رد: كيف تتعرف عالسعادة

    مُساهمة من طرف ahmed saleh في الجمعة سبتمبر 16, 2011 8:00 pm

    جميلة جمبلة جمبلة
    وما اجمل المواضيع الى فيها سعادة وخصوصا لما تبقى من اخ عزيز زيك ياعموووووووور
    avatar
    nem100
    عضو مبتدا
    عضو مبتدا


    عدد المساهمات : 11
    نقاط : 2374
    الشهرة فى المنتدى : 5
    تاريخ التسجيل : 05/05/2012

    رد: كيف تتعرف عالسعادة

    مُساهمة من طرف nem100 في السبت مايو 05, 2012 1:25 pm

    انتقاء رائع وجمل تدعوا للتفاؤل

    شكرا لك
    avatar
    tootah
    عضو ناوى يسبنا وربنا يسطر
    عضو ناوى يسبنا وربنا يسطر


    عدد المساهمات : 1
    نقاط : 2242
    الشهرة فى المنتدى : 1
    تاريخ التسجيل : 29/08/2012

    رد: كيف تتعرف عالسعادة

    مُساهمة من طرف tootah في الأربعاء أغسطس 29, 2012 4:31 pm

    كلمات قمه في الروعه يعطيك العافيه

      الوقت/التاريخ الآن هو الخميس أكتوبر 18, 2018 10:03 am