دكتور احمد كلامه هو الفيصل فى حياتى الزوجيه

بسم الله الرحمن الرحيم
فى البدايه انا مش عايزه اطول عليكم بس انا متزوجه من 3 سنين و نص و عندى طفل و انا و جوزى المفروض اننا بنحب بعض و احنا الاتنين تعليمنا عالى و انا بكمل ماجستير .
مشكلتى معاه من يوم ما اتجوزنا انه صوته من دماغه كل حاجه يقولى انا حر مالكيش فيه يخرج يتأخر و المطلوب منى مسألش كنت فين ولا مع مين يعطى نفسه الحق انه يروح مصيف مع صحابه و احنا لأ و مبرره انا مقدرتى انى اصرف على نفسى بس انتوا اوديكم مكان على قد ظروفى النادى مثلا او مكان نكون معزومين فيه ببلاش يعنى هو مش مأثر فى البيت طلبات البيت من أكل و شرب تمام
بس هو بيعطى لنفسه كل الحريات و احنا مش فى دماغه يخرج و يتغدى بره مع صحابه و اما اقوله تعالا نروح اى مكان الف حجه تطلع و ساعات بيوافق ده غير علافاته النسائيه كذا مره اكتشف انه يعرف بنات و اغلبهم بيكونوا متجوزين او مطلقات ة اما اواجهه يقولى مالكيش دعوه و صحابه عنده اهم شىء فى حياته بيقولى انا بتبسط مع صحابى طيب اساله انا مقصره معاك فى حاجه يقولى لا بالعكس بجد انا تعبت انا حسه انى على الهامش فى حياته وكذا مره كنا هننفصل و بالفعل انفصلنا مره و امبارح كان نفس الموضوع انا مش عارفه اتعامل معاه ازاى و ياريت لو فى طريقه للتواصل مع دكتولر احمد لانه هو بيحبه و المفروض اننا اتفقنا ان الكلام اللى هيقول عليه هنعمل بيه