نكت جامدة

واحد حماته جت عنده البيت فبيقولها هاتنورينا لحد امتى يا حماتى يا ام الغالية ؟قالتله لحد ما تزهقوا منى قالها : طيب عالاقل اشربى حاجة





ولد بيسأل ابوه بابا .. يعنى ايه راجل ؟قاله يا حبيبى .. راجل يعنى حمش .. يعنى يقول الكلمة مرة واحدة فتتنفذرد الواد : يا سلام يا بابا .. ياما نفسى اكبر و ابقى رجل زى ماما





زوجة ماشية فى عزاء جوزها و عمالة تصوت و تقول يا حبيبى يا جوزى و اتنين رجالة ماشيين شايفنها واحد بيقول للتانى يا سلام شايف الست دى بتحب جوزها قد ايه قاله يا راجل انت بتصدق الحاجات دى طب استنى هاوريك وراح ورا الست و قال يا جميل يا عسل اخ لو تقولى ساكن فين اتجوزك بعد الاربعين على طول الست ردت : يا حبيبى يا جوزى يالى مسكنى فى مساكن شيراتون عمارة 47 تانى شقة على اليمين







محشش قاعد ساكت و سرحان صاحبه سأله بتفكر فى ايه ؟قاله حاجة غريبة جدا ازاى انا عندى اخ واحد و اختى عندها اتنين





حشاش مصرى اتصل بأوباما و قاله أحنا أعلنا الحرب علي أمريكا أوباما أنخض و قاله انتم مين ؟ الحشاش قاله انا و تيتو و كيخا و حناوي و ميخا و 3 صحبنا كمان من القهوة يعني 8 وحوش أوباما ضحك في سخرية و قالوا تعرف أني عندي 2 مليون جندي تحت أمري الحشاش قاله… لا جديدة دي لازم أتشاور انا و الشباب …المهم الحشاشأتصل بيه تانى يوم و قاله متقلقش يا أوباما مش حنعلن الحرب عليكم أوباما أبتسم و قالوا ليه الحشاش قالوا مفيش بس معندناش مكان يكفي 2 مليون أسير في القهوة





مرة ثلاثة فشارين راحوا الجبل واحد اعمى و واحد اطرش وواحد اقرع الاعمى قال انا شايف النملة التى فوق الجبل و الاطرش قال انا سامع دبتها والاقرع قال أنا شعرى وقف





مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس



اتنين محشيشين واحد بيسال التانى " نفسى اعرف اللى اخترع الساعة ده عرف الساعة كم ساعتها ازاى ؟رد عليه زميله " تفكيرك ضيق اوى اكيد يعنى طلب نجمة ميه شباك "







عريس بيقول لعروستة لازم تعرفي ان كلمتي في البيت زي الساعه

بصتلو بنظرت غضب...قالها يعني لا بتقدم ولا بتأخر







استيقظت الزوجة أثناء الليل ولم تجد زوجها بجانبها في الفراش وضعت الزوجة الروب ونزلت إلى الدور الأسفل......ووجدت زوجها يجلس في المطبخ واضعاً كوباً من القهوة أمامه مستغرقاً في تفكير عميق لاحظت الزوجة نزول بعض الدموع من عين الزوج سألته الزوجة: إيه الموضوع؟ قاعد لوحدك ليه فى نص الليل؟رد الزوج: فاكرة لما إتواعدنا من 20 سنة؟أجابت: أيوه فاكرة..قال: فاكرة لما شافنا والدك و إحنا في ا لعربية؟أجابت: أيوه فاكرة. .!قال: فاكرة لما وجه لىّ والدك مسدسه وقالى تتجوز ها ولا أسجنك 20 سنة؟أجابت: أيوه فاكرة. ..!!نزلت دمعه من عين الزوج وقال:

لو كنت دخلت السجن كنت خرجت النهارده





واحد قاعد ياكل بذر تفاح صاحبه بيقوله ايه ده

... ... قاله : ده بذر تفاح

قاله : حد ياكل بذر تفاح

رد عليه : ده مفيد جدا ومنشط للذاكرة وبيزود الذكااااااااااء

قاله صاحبه : اديني شوية

رد صاحبه : لا انا هابيعلك 10 بذرات بـ 100 جنيه

قاله : ماشي خد المية وهات البذر

بدأ ياكل اول واحدة وتاني واحدة وبعدين بطل وقال بصوت عالي لصاحبه

انت بتضحك عليا انا كان ممكن اشتري 50 كيلو تفاح بالمية جنيه دي

رد صاحبه قاله : شوفت ازاي من تاني بزرة بدأت تفكر .. مش قولتلك بيزود الذكاء .. امال

بعد العشرة هتعمل ايه

جامده جدا النكت دى

ثانكس بجد لكل واحد قدرت اخليه يضحك بنكته صغيره قلتها